इरानले दुई अमेरिकी सैन्य अड्डाहरूमा क्षेप्यास्त्र आक्रमण गरेपछि अमेरिकाको यस्तो चेतावनी

Breaking News अन्तर्राष्ट्रिय

आफ्ना उच्च सैन्य कमाण्डरको हत्याको प्रतिशोध सहित इरानले अमेरिकी सैन्य अड्डामा क्षेप्यास्त्र आक्रमण गरेपछि विश्वको ध्यान त्यता तानिएको छ । आक्रमणपछि अब ठूलो युद्ध हुने आँकलनसहित अनेक अड्कलबाजी पनि हुन थालेका छन् । अब घटनाक्रम कसरी अघि बढ्छ भन्ने विषय अन्यौल रहेपनि केहिबेरमा अमेरिकी राष्ट्रपति डोनाल्ड ट्रम्पले सम्बोधन गर्ने कार्यक्रम रहेको सीएनएनले जनाएको छ ।

इरानी आक्रमणपछि तेलको मूल्य बढेको छ भने सेयरको मूल्यमा गिरावट आएको छ । अन्तर्राष्ट्रिय बजारमा तेलको भाउ ५ प्रतिशतले वृद्धि भएको छ । त्यस्तै अन्तर्राष्ट्रिय सेयर बजारमा पनि गिरावट आएको छ । त्यस्तै इराक, इरान, पर्सियन खाडी र ओमानको खाडीको पानी तथा हवाई क्षेत्रमा अमेरिकी व्यवसायिक उडानहरु बन्द गरिएको छ ।

अमेरिकाले इरानमा प्रत्याक्रम गरे मध्यपुर्वका अमेरिकी सैनिक अड्डा, अमेरिकी साझेदार मुलुक दुबई, कुबेत लगायतका मुलुकमा आक्रमण गर्ने चेतावनी इरानले दिएको छ ।

इरानी मिसाईल आक्रमणबाट केही हताहत भएको हुनसक्ने समाचारहरु आएपनि अमेरिकी रक्षा मन्त्रालयका अधिकारीले अमेरिका पक्षमा केही पनि क्षति नभएको अन्तर्राष्ट्रिय समाचार संस्थालाई बताएका छन् ।

इराकमा अमेरिकी निशानमा इरानले मिसाईल आक्रमण गरेसँगै अष्ट्रेलियाका प्रधानमन्त्री स्कट मोरिसनले इराकमा तैनाथ आफ्ना सेना र कुटनितिज्ञको सुरक्षाका लागि आवश्यक सबै कदम चाल्न अष्ट्रेलियाका सैन्य प्रमुखलाई निर्देशन दिएका छन् ।

अल(असदमा भएको पहिलो आक्रमणको क‍ेही समयपछि एरबिलमा अर्को आक्रमण भएको हो । इराकमा अहिले अमेरिकाका ५ हजार सैनिक रहेका छन्। सुलेमानीको अन्तिम संस्कार सकिएको केही घण्टापछि इरानले अमेरिकी सेनाको सैन्य अड्डामा आक्रमण गरेको हो ।

Leave a Reply

Your email address will not be published. Required fields are marked *