आज वैशाख २४ गते बिहीबार बागमती प्रदेशमा सार्वजनिक बिदा दिइएको छ । भाषा दिवसकाे अवसरमा प्रदेश भरि सार्वजनिक विदा दिइएकाे हाे ।
सरकारी कामकाजी भाषाको रुपमा तामाङ भाषा र नेपाल भाषालाई बागमती प्रदेशमा लागू गरिएको दिनको अवसरमा बिदा दिइएको बताइएकाे छ । आन्तरिक मामिला तथा कानुन मन्त्रालयले सरकारी कामकाजको भाषा दिवसको अवसरमा सार्वजनिक विदा दिइएकाे हाे ।
मन्त्रालयका अनुसार बिहीबार प्रदेश सरकारको सरकारी कामकाजको भाषासम्बन्धी दिवसको अवसरमा बागमती प्रदेशभर सार्वजनिक बिदा दिने निर्णय भएको व्यहोरा उल्लेख गरिएको छ ।
बागमती प्रदेश संस्कृति तथा पर्यटन मन्त्रालयका सचिव हितेन्द्र सुवेदीले भोलि प्रदेशका सबै सरकारी कार्यालयमा सार्वजनिक बिदा रहेको र बिदाको अवसरमा तामाङ र नेपाल भाषासँग सम्बन्धित विभिन्न सांस्कृतिक कार्यक्रम आयोजना गरिने बताएका छन् ।
