कक्षा १२ को नतिजा सार्वजनिक

राष्ट्रिय परीक्षा बोर्डले कक्षा १२ को नतिजा सार्वजनिक गरेको छ । बोर्डले परीक्षा सञ्चालन भएको ३५ दिनमै नतिजा सार्वजनिक गरेको हो ।

वैशाख १४-२७ गतेसम्म सञ्चालन भएको परीक्षामा ४ लाख १८ हजार ८ जना परीक्षार्थी सहभागी थिए । जसमा ५ हजार ३३९ विद्यालयका नियमिततर्फ ३ लाख ३२ हजार १७८ विद्यार्थीले परीक्षा दिएका थिए ।

त्यसमा १ लाख ७२, हजार १२ छात्र र १ लाख ६० हजार १३७ छात्रा र अन्य २९० जना रहेका थिए । परिक्षाका लागि देशभर १ हजार ४२० र जापानमा १ समेत गरी कूल १ हजार ४२१ परीक्षा केन्द्र थियो। सबैभन्दा बढी काठमाडौंमा १६१ र सबैभन्दा कम मनाङ र मुस्ताङ जिल्लामा १–१ केन्द्र निर्धारण गरिएको थियो ।

नतिजा हेर्ने राष्ट्रिय परीक्षा बोर्डको result.neb.gov.np (http://result.neb.gov.np) वा नेपाल टेलिकमको neb.ntc.net.np (https://neb.ntc.net.np) मा लगइन गरेर हेर्न सकिन्छ । त्यसैगरि SMS: NEB टाइप गरी स्पेस दिएर सिम्बोल नम्बर राखी १६०० मा म्यासेज पठाएर हेर्न सकिन्छ भने IVR/USSD: नेपाल टेलिकमको १६०१ नम्बरमा डायल गरेर वा *१६०१# बाट पनि हेर्न सकिने बाेर्डले जनाएकाे छ ।