सरकारले घाेषणा गरेअनुसार नयाँ वर्ष २०८३ को शैक्षिक सत्र आजदेखि औपचारिक रुपमा सुरु हुदैछ । सरकारले वैशाख १५गतेदेखि विद्यालय भर्ना र २१ गतेदेखि पठनपाठन सुरु गर्ने निर्णय गरे अनुसार आजबाट औपचारिक रुपमा पठनपाठन सुरु गर्न लागिएकाे हाे ।
तर, सरकारले घाेषणा गरेकाे निर्णयलाइ अटेर गर्दै देशभरका अधिकांस विद्यालयले यसअघि पठनपाठन नै सुरु गरिसकेका छन् । स्थानीय तहहरूले संघीय सरकारको निर्णय संविधान विपरित भन्दै नमानेका हु्न् ।
यता स्थानिय सरकारहरुले अटेर गरेपछि शिक्षामन्त्री सस्मित पोखरेलको संघ र स्थानिय सरकारबिचको समन्वय, विद्यार्थी भर्ना र शुल्काविवादलगायत विषयमा आज छलफल गर्ने भएका बताइएकाे छ । आज सिंहदरबारस्थित मन्त्रालयमा काठमाडौँ उपत्यकाका महानगरपालिकाका प्रमुखहरु तथा सरकारका उच्च अधिकारीसँग छलफल गर्न लागिएको मन्त्रालयले जनाएको छ
विद्यार्थी भर्ना र मापदण्ड विपरित शुल्कबारे देखिएको अन्यौलता, वार्षिक शैक्षिक क्यालेन्डर र आगामी रणनीति बनाउन तथा विद्यालय क्षेत्रको सुधारका लागि संघ र स्थानीय तहबीचको समन्वयलाई प्रभावकारी बनाउने उक्त छलफल गर्न लागिएकाे हाे ।
शिक्षामन्त्री पोखरेलको उपस्थितिमा हुने छलफलमा काठमाडौँ महानगरपालिकाका कार्यवाहक नगर प्रमुख सुनिता डंगोल, ललितपुर महानगरपालिकाका नगर प्रमुख चिरिबाबु महर्जन, नेपाल नगरपालिका संघका अध्यक्ष र गाउँपालिका राष्ट्रिय महासंघका अध्यक्ष, गृहमन्त्राल र शिक्षा मन्त्रालयका उच्चअधिकारीको उपस्थिति रहने मन्त्रालयले जनाएकाे छ ।
