काठमाडाैँ जिल्लकाे टोखा नगरपालिकाले धापासी–ग्रीनल्याण्ड आसपासका अतिक्रमित घर–टहरा भत्काएकाे छ । टोखा नगरपालिका–७, स्थित धापासी–ग्रीनल्याण्ड आसपासका अतिक्रमित संरचना हटाउन अटेरी गर्नेहरूको घर–टहरा नगरपालिकाले डोजर प्रयोग गरी हटाएको हो ।
यसअघि नगरपालिकाले १५ दिने सूचना जारी गर्दै अतिक्रमित घर–टहरा हटाउन सम्बद्ध सबैलाई अनुरोध थियाे । उक्त अवधिमा पनि अटेर गरेपछि आज बिहानदेखि धापासी क्षेत्रमा सडक छेउ तथा सरकारी जग्गामा बनाइएका घर–टहरा, कम्पाउन्ड र अस्थायी संरचना हटाउने काम सुरु गरिएको हाे ।
नगरपालिकाका प्रमुख प्रशासकीय अधिकृत कमल भट्टराईका अनुसार अतिक्रमित घर–टहरा खाली गराउने अभियानअन्तर्गत उक्त कदम चालिएको बताइएकाे छ । उनले अतिक्रमित जग्गा खाली गराउने बताउँदै नगरपालिकाकाे सार्वजनिक जग्गा अतिक्रमण नगर्न तथा कानुनी व्यवस्था पालना गर्न सबैलाई आग्रह समेत गरेका छन् ।
