वैदेशिक अध्ययनका लागि (एनओसी) नो अब्जेक्सन सर्टिफिकेट लिनेकाे संख्या बढ्दाे छ । पछिल्लाे समय आर्थिक वर्ष २०८२।८३ को फागुनसम्म ८५ हजारभन्दा बढीले वैदेशिक अध्ययनका लागि एनओसी लिएका छन् ।
आर्थिक वर्ष २०८२।८३ को आर्थिक सर्वेक्षणअनुसार गत फागुनसम्म कुल ८५ हजार ३०६ वैदेशिक अध्ययन अनुमतिपत्र जारी भएकाे छ । गत आर्थिक वर्ष यस्तो सङ्ख्या १ लाख २३ हजार ५ सय ८९ रहेकोमा अहिले एनओसी लिनेको संख्या बढ्दै गएको आर्थिक सर्वेक्षणले देखाएको छ ।
आर्थिक सर्वेक्षणअनुसार आर्थिक वर्ष २०७३।७४ मा ५० हजार ७ सय ९६ जना, २०७४/७५ मा ५८ हजार ७ सय ५८ जना, आव २०७५/७६ मा ६३ हजार ४ सय १७ जनाले एनओसी लिएका थिए । त्यसैगरि आर्थिक वर्ष २०७६।७७ मा ३३ हजार १ सय ९६ जना, आर्थिक वर्ष २०७७।७८मा २८ हजार ८ सय ८३ जनाले एनओसी लिएका थिए ।
त्यसैगरि आव २०७८।७९ मा १ लाख २ हजार ५ सय ४ जना, २०७९/८० मा १ लाख १० हजार २ सय १७ जनाले एनओसी लिए भने २०८०।८१ मा १ लाख १२ हजार ९ सय ६८ जना, २०८१/८२ मा बढेर १ लाख २३ हजार ५ सय ८९ जनाले एनओसी लिएको आर्थिक सर्वेक्षणमा उल्लेख गरिएकाे छ ।
