सरकारले यसअघि आइतबार बिदा दिन थालेकाेमा आइतबारको बिदा खारेज गर्न लागेको भन्ने हल्ला फैलिएसँगै सरकारले उक्त हल्ला सत्य नभएकाे बताएकाे छ । केही सञ्चारमाध्यममा आइतबारको बिदा खारेज गर्ने तयारी गरेको समाचार आएपछि सरकारले त्यसको खण्डन गरेको हो ।
प्रधानमन्त्री बालेन्द्र शाहका प्रेस तथा अनुसन्धान विज्ञ दीपा दाहालले आइतबारको बिदा खारेज गरिएको भनेर आएको समाचार सत्य नभएको बताएकी हुन् । उनले यस विषयमा सरकारले कुनै निर्णय नगरेको बताउँदै अहिलेका लागि यस सम्बन्धमा कुनै तयारी नभएकाे बताइन् ।
यसअघि गत चैत २२ को मन्त्रिपरिषद्को बैठकले पश्चिम एसियामा देखिएकाे समस्याका कारण इन्धनमा भएको निरन्तरको मूल्यवृद्धिले जनजीवनमा सहज बनाउने उद्देश्यले शनिबारसँगै आइतबार पनि सार्वजनिक बिदा दिने निर्णय गरेको थियो ।
सरकारले बिदासँगै कार्यालय समयमा पनि परिवर्तन गरेर बिहान ९ बजेदेखि साँझ ५ बजेसम्म कायम गर्ने निर्णय गरेको थियो ।
