आज संघीय संसद् मातहतका तीनवटा समितिको बैठक आज बस्दैछ । जसअनुसार आज विकास, आर्थिक मामिला तथा सुशासन समिति, विधायन व्यवस्थापन समिति र संघीयता सबलीकरण तथा राष्ट्रिय सरोकार समितिको बैठक बस्न लागेको हो ।
संघीय संसद् सचिवालयका अनुसार विकास, आर्थिक मामिला तथा सुशासन समितिकाे बैठक बिहान ११ बजे बस्नेछ । बैठकमा आर्थिक वर्ष २०८३/८४ को वार्षिक कार्ययोजना तयारीका सम्बन्धमा छलफल हुने कार्यक्रम रहेकाे छ ।
त्यसैगरि विधायन व्यवस्थापन समितिको बैठक पनि बिहान ११ बजे नै बोलाइएको छ । सो बैठकमा अभिमुखीकरण कार्यक्रमका सम्बन्धमा छलफल हुने संघीय संसद् सचिवालयले जनाएकाे छ ।
संघीयता सबलीकरण तथा राष्ट्रिय सरोकार समितिको बैठक दिउँसो साढे २ बजे बस्ने समय तालिका रहेकाे छ भने बैठकमा दक्षिणी सीमा क्षेत्रका नागरिकको शान्ति सुरक्षाका सम्बन्धमा छलफल हुने सचिवालयले जनाएकाे छ ।
