शनिबार राति आयोजित ‘भ्वाइस किड्स’ सिजन ५ को उपाधि सुवासना खड्काले जितेकी छन् । ग्रान्ड फिनालेमा टिम वाङ्देन शेर्पाको प्रतियोगी खड्काले उपाधि जितेकी हुन् ।
प्रतियोगिताकाे उपाधिका लागि फिनालेमा सुवासनासहित ८ जनाले प्रतिस्पर्धा गरेका थिए । ग्रान्ड फिनालेमा हिमालय टेलिभिजनका अध्यक्ष धर्मराज भुसालसहित प्रायोजकका प्रतिनिधिहरूले विजेतालाई पुरस्कार वितरण गरेका थिए । जितसँगै खड्काले १० लाख रुपैयाँ नगद प्राप्त गरेकी छन् ।
फिनालेमा टिम अर्जुन सापकोटाबाट आन्भी विष्ट र आर्मन कार्की, टिम मिलन नेवारबाट प्राञ्जल ढुंगेल र रुइसाङ पाख्रिन, टिम सत्यराज आचार्यबाट कविना राई र सम्राट खनाल तथा टिम वाङ्देन शेर्पाबाट सुवासना र क्रिएसन रोकाले प्रतिस्पर्धा गरेका थिए ।
भ्वाइस किड्स प्रतियोगिता हिमालय टेलिभिजन एचडीबाट प्रशारण हुँदै आएको छ ।
