एसईईको पूरक (ग्रेडवृद्धि) परीक्षा आगामी असार १ गतेदेखि हुने भएको छ । राष्ट्रिय परीक्षा बोर्डले माध्यमिक शिक्षा परीक्षा कार्यालय का अनुसार, पूरक परीक्षा असार १ गते सोमबारदेखि ९ गतेसम्म सञ्चालन हुने बताइएकाे छ ।
जसअनुसार अन्तिम ग्रेड ‘सी’ वा ‘सी’भन्दा कम प्राप्त गरेका विद्यार्थीले पूरक परीक्षा दिन पाउने छन् । बढीमा दुई विषयसम्म अनुपस्थित रहेका परीक्षार्थीले पनि पूरक परीक्षा दिन पाउने बोर्डले जनाएको छ ।
२०८२ काे एसईई परिक्षाकाे नतिजा हिजो साँझ सार्वजनिक हुँदा ६५.९८ प्रतिशत विद्यार्थी ‘ग्रेडेड’ भएका छन् । गत चैत १९ देखि २९ गतेसम्म सञ्चालन भएको परिक्षामा सहभागि विद्यार्थी मध्य जीपीए ३.६ देखि ४ सम्म ल्याउने ४८ हजार ३ सय ९२ जना छन् ।
त्यसैगरि जीपीए ३.२ देखि ३.६ सम्म ८० हजार ३ सय ७२ जना, जीपीए २.० देखि ३.२० सम्म ९४ हजार २ सय २२ विद्यार्थी रहेका छन् । जीपीए २.४० देखि २.८० सम्म ल्याउने ५५ हजार ९ सय ७७ जना, जीपीए २.० देखि २.४ सम्म पाँच हजार १ सय ९० जना र जीपीए १.६ देखि २.० सम्म सात जना विद्यार्थी रहेका छन् ।
