काठमाडौं महानगरपालिकाले शैक्षिक सत्र २०८३/०८४ मा कक्षा ११ र १२ मा छात्रवृत्ति कोटामा अध्ययन गर्न चाहने विद्यार्थीका लागि अनलाइन आवेदन खुला गरेको छ । महानगरले छात्रवृत्ति कोटामा अध्ययन गर्न चाहने विद्यार्थीका लागि आवेदन खुला गरेको हाे ।
महानगरपालिका अन्तर्गतका संस्थागत शिक्षण संस्थामा अध्ययन गर्न इच्छुक विद्यार्थीलाई परीक्षा प्रणालीमार्फत छात्रवृत्ति उपलब्ध गराइने जनउँदै महानगरले आज एक सूचना मार्फत आवेदन फाराम जेठ १ गतेदेखि भर्न सकिने बताएकाे छ ।
सूचनाअनुसार छात्रवृत्ति परीक्षाका लागि अनलाइन आवेदन फाराम जेठ १ गतेदेखि जेठ १० गतेसम्म भर्न सकिने छ भने परीक्षा जेठ १७ गते बिहान ८ बजेदेखि १० बजेसम्म सञ्चालन गरिने बताइएकाे छ ।
परीक्षामा माध्यमिक तह कक्षा १० को पाठ्यक्रममा आधारित १०० वटा वस्तुगत बहुवैकल्पिक प्रश्न सोधिने छ । महानगरले विद्यार्थी तथा अभिभावकलाई महानगरपालिकाको वेबसाइट तथा प्रवेश परीक्षा सम्बन्धी पोर्टलमार्फत अनलाइन आवेदन दिन आग्रह गरेको छ ।
विषयगत अंकभार, विद्यालयगत छात्रवृत्तिको कोटा, परीक्षा केन्द्र लगायतका विस्तृत विवरण महानगरपालिकाको वेबसाइटमा उपलब्ध रहेको छ ।
