काठमाडाैँकाे कोटेश्वर–कलंकी चक्रपथ खण्डमा सडक बत्ती जडान सुरु गरिएकाे छ । लामो समयदेखि सडक बत्तीको व्यवस्थाको अभाव झेल्दै आएको उक्त सडक खण्डमा सडक बत्ती (रोड ल्याम्प) जडान कार्य सुरु गरिएको हाे ।
संघीय राजधानी काठमाडाैँ अन्तर्गतकको अत्यन्त व्यस्त सडकखण्डमध्ये एक मानिने यस मार्गमा सडक बत्ती जडान हुन थालेपछि रात्रीकालीन यात्रा थप सुरक्षित, सहज र व्यवस्थित हुने अपेक्षा गरिएको छ ।
सडक विस्तार सम्पन्न भएपनि पर्याप्त सडक बत्ती नहुँदा सवारी चालक तथा पैदल यात्रीहरूले विभिन्न समस्या झेल्दै आएका थिए । अँध्यारोका कारण दुर्घटनाको जोखिम बढ्नुका साथै सुरक्षा चुनौतीसमेत देखिने गरेको उक्त सडक खण्डमा बत्ती जडान भएपछि समस्या समधानकाे बाटाे खुला हुनेछ ।
