रौतहटकाे बागमती नदीमा फसेका १४ जनाकाे सकुशल उद्धार गरिएकाे छ । राैतहटकाे दुर्गाभगवती गाउँपालिका–३, स्थित मत्सरी घाटमा फसेका १४ जना स्थानीय महिला तथा बालिकाको सशस्त्र प्रहरीबल नेपालले सकुशल उद्धार गरेको हाे ।
हिजाे अपरान्ह मुमको दाल टिपेर फर्कने क्रममा उनिहरु बागमती नदीस्थित मत्सरी घाटको बीच भागमा फसेका थिए । नदिकाे अग्लो स्थानमा बसेर उनिहरुले उद्धारका लागि याचना गरिरहेकाे बेला शसस्त्रकाे टाेलिले ११ महिला र तीन बालिका गरी १४ जनाको सकुशल उद्धार गरको थियाे ।
सशस्त्र प्रहरी वरिष्ठ नायब निरीक्षक यज्ञबहादुर योञ्जनको नेतृत्वमा खटिएको १७ जनाको टोलीले रवरको डुङ्गा प्रयोग गरी नदीमा फसेका सबैको उद्धार गरेको सशस्त्र प्रहरी बेसक्याम्प गौरका प्रहरी नायब उपरीक्षक प्रेमसागर विष्टले जनाएका छन् ।
सशस्त्र प्रहरीद्वारा उद्धार गरिएका सबैलाई उनीहरूको घरसम्म पुर्याइएको थियाे ।
