राष्ट्रिय स्वतन्त्र पार्टी (रास्वपा)को चितवनमा जारी प्रथम अधिवेशनमा ९९ जना केन्द्रीय सदस्यका लागि ४ सयभन्दा बढीले उम्मेदवारी दर्ता गराएका छन् ।
केन्द्रीय निर्वाचन आयोगका प्रमुख भुवन केसीका अनुसार राति अबेरसम्म चार सयभन्दा बढीको केन्द्रीय सदस्यमा उम्मेदवारी परेको बताइएकाे छ । जसमा निर्वाचित ९९ जना मध्येबाट पदाधिकारी चयन गरिने छ ।
पदाधिकारी चयन दोस्रो चरणमा हुनेछ भने मतदानका निम्ति विद्युतीय उपकरण प्रयोग गरिने भएकाे छ । विदेशमा रहेकाहरूले एपमा मतदान गर्नेछन् भने मतदान गर्ने ४ हजार हाराहारी प्रतिनिधि रहेका छन् । यता पार्टी सभापतिमा रवि लामिछाने निर्विराेध निर्वाचित भइसकेका छन् ।
