अहिले आँपको सिजन भएपनि मधेश प्रदेशमा मालदह आँपको उत्पादन घट्दै गएपछि बजारमा यसको मूल्य दोब्बरले बढेको छ । मूल्य दोब्बरले बढेपनि किसानले भने आफूहरुले उचित मूल्य नपाएको भन्दै गुनासाे गरेका छन् ।
दुई साताअघिसम्म सय रुपैयामा साढे २ केजी आँप बिक्री भइरहेकामा अहिल प्रतिकेजी एक सय रुपैयाँ पुगेकाे छ भने किसानका बगैँचामा मालदह आँप सकिन लाग्दा व्यापारीले मूल्य बढाएको तर आफूहरुले भने मूल्य नपाएको किसानको गुनासो छ । किसानले शीतभण्डार, प्रशोधन र प्रभावकारी बजार व्यवस्थापनको माग गरेका छन् ।
बजार मूल्य बढे पनि त्यसको लाभ किसानले नपाएको तर, किसानबाट सस्तोमा खरिद गरिएको आँप बजारमा महँगो मूल्यमा बिक्री भइरहेकाे भएपनि प्रभावकारी बजार अनुगमन र मूल्य व्यवस्थापन नभएकाे किसानकाे गुनासाे रहेकाे छ ।
असार १५ पछि धान रोपाइँ सुरु हुने भएकाले किसानले बगैँचाबाट आँप समयमै बिक्री गर्न बाध्य हुने र व्यापारीले यही माैकाको फाइदा उठाएर कम मूल्यमा खरिद गर्ने गरेको किसानकाे गुनासाे रहेकाे छ । शीतभण्डार, प्रशोधन केन्द्र र व्यवस्थित बजारको अभावका कारण किसानले उत्पादनको उचित मूल्य नपाएको उल्लेख गर्दै उत्पादनको मूल्य सुनिश्चित गर्न सरकारी पहल आवश्यक रहेको उल्लेख गरिएकाे छ ।
