प्रधानमन्त्री बालेन्द्र शाहलाई भारतीय विदेश मन्त्रालयले भारत भ्रमणको औपचारिक निमन्त्रणा पठाइसकिएको पुष्टि गरेको छ । मन्त्रालयमा आयोजित नियमित पत्रकार सम्मेलनका क्रममा सरकारका प्रवक्ता रणधीर जैसवालले उक्त जानकारी दिएका हुन् ।
नियमित पत्रकार सम्मेलनमा हालै नेपाली अधिकारीहरूले गरेको भारत भ्रमण र प्रधानमन्त्री शाहको सम्भावित भारत यात्राका विषयमा सोधिएको प्रश्नको जवाफ दिँदै प्रवक्ता जैसवालले निमन्त्रणा गइसकेको स्पष्ट पारेका थिए । भ्रमण कहिले हुने र कुन मितिका लागि निम्तो दिइएको हो भन्नेबारे कुनै विस्तृत विवरण खुलाएनन् ।
काठमाडौँ महानगरपालिकाको मेयर हुँदै राष्ट्रिय राजनीतिमा उदाएका बालेन्द्र शाह प्रधानमन्त्री बनेपश्चात् उनको पहिलो विदेश भ्रमणका रूपमा भारत यात्रालाई निकै चासोका साथ हेरिएको छ । दुवै देशका कूटनीतिक संयन्त्रहरूले भ्रमणको उपयुक्त समय र एजेन्डा तय गर्न आन्तरिक तयारी अगाडि बढाएको बुझिएको छ ।
भारतीय पक्षबाट औपचारिक निमन्त्रणा गइसकेको पुष्टि भए पनि नेपालले त्यसबारे केहि खुलाएकाे छैन्
