नेपाल आयल निगमले हिजाे साउन १६ गतेदेखि टेकुस्थित आफ्नो कार्यालयबाट ग्याँस विक्री वितरण थालेकाे छ । काठमाडौँ उपत्यकामा ग्यासको उच्च मागलाई मध्यनजर गर्दै निगमले ग्याँस विक्री वितरणको व्यवस्था मिलाएको हाे ।
निगमले बिहान ११ बजेदेखि साँझ ५ बजेसम्म सम्बन्धित उद्योगमार्फत नेपाल ग्याँस, एचपी ग्याँस, एभरेस्ट ग्याँस, सुगम ग्याँस र श्रीराम ग्याँसका सिलिन्डरहरू वितरण गर्न थालेको हाे । निगमले खाना पकाउने एलपी ग्यास अभाव नरहेको बताउँदै आफैं ग्यास बिक्रीमा उत्रिएको हाे ।
निगम प्रवक्ता मनोज ठाकुरका अनुसार ग्यासको वास्तविक अभाव नभई ७.१ केजीबाट १४.२ केजी सिलिन्डरमा ‘स्विच’ हुँदा केही दिन आपूर्तिमा असहजता देखिएको दाबी गरेका छन् । उनले जारी गरेको विज्ञप्तिमा बढीमा एक साताभित्र बिक्री–वितरण सामान्य अवस्थामा फर्किने समेत उल्लेख गरेका छन् ।
