आज नेपाल सरकारका अर्थमन्त्री डा. स्वर्णिम वाग्लेले डेढ दर्जन बढी वाणिज्य बैंकका प्रमुख कार्यकारी अधिकृत (सीईओ) सँग छलफल गर्दैछन् ।
अर्थमन्त्री डा. वाग्लेले बजेटमार्फत घोषणा गरिएका आर्थिक सुधारका कार्यक्रमको कार्यान्वयनमा प्रमुख वित्तीय संस्थाको भूमिका तथा वित्तीय बजारको वर्तमान अवस्थाबारे जानकारी लिन सीईओहरूलाई छलफलका लागि आमन्त्रण गरेका हुन् ।
अर्थमन्त्रीको सचिवालयका अनुसार आज दिउँसो ३ बजे अर्थ मन्त्रालयमा हुने छलफलमा नेपाल राष्ट्र बैंकले ‘क’ वर्गमा सूचीकृत २० वाणिज्य बैंकका प्रमुख कार्यकारी अधिकृतहरूको सहभागिता रहने बताइएको छ ।
