मनाङ जिल्लाको हिम्लुङ हिमालमा खसेको हिमपहिरोका परी सम्पर्कविहीन भएकाहरुको खोजी जारी रहेकाे छ । आज बिहानैदेखि तीन जनाको टोली हेलिकप्टरमार्फत खोजीमा जुटेको मनाङका सहायक प्रमुख जिल्ला अधिकारी कृष्णप्रसाद पौडेलले जानकारी दिएका छन् ।
उक्त पहिरोमा परी २७ जना सम्पर्कबिहीन भएमा त्यसमध्ये ११ जना सम्पर्कमा आइसकेका छन् । उनीहरु हिँडेर आफैँ फुँ गाउँ आइपुगेका थिए । दुई जनाको शव फेला परेको छ भने १४ जना अझै सम्पर्कबिहीन रहेकाले खोजीकार्य जारी रहेको छ ।
खोजीमा अनुभवी गाइडहरू पठाइएको छ भने मौसम पनि खुलेकाले आज खाेजी कार्य तिब्र बनाइएकाे छ । नापाभूमि गाउँपालिका वडा नम्बर ५, को ७ हजार १२६ मिटर अग्लो हिम्लुङ हिमालमा हिजो हिमपहिरो खसेको थियो ।
