आज बिहान पोखरामा भएकाे स्कुल बस दुर्घटनामा परि मृत्यु हुनेको संख्या ५ पुगेको छ । पोखरा महानगरपालिका–२८, माझठानाबाट कालिका बोर्डिङ स्कुलका विद्यार्थी बोकेकाे बस दुर्घटनामा परेकाे हाे ।
उक्त दुर्घटनाग्रस्त बसमा १९ जना विद्यार्थी र शिक्षक कर्मचारी गरि २१ जना सवार रहेका थिए । परीक्षाको तयारीका निम्ति ट्युसन पढ्न जाँदै गरेका कक्षा–१० का विद्यार्थी रहेका जिल्ला प्रहरी कार्यालय कास्कीका प्रमुख नवीन कार्कीले जनाएका छन् ।
घाइतेमध्ये १५ जनाको उपचार पश्चिमाञ्चल क्षेत्रीय अस्पतालमा भइरहेको छ भने तीनजनाको उपचार गण्डकी मेडिकल कलेजमा भइरहेको बताइएकाे छ । गण्डकी अस्पतालमा उपचारका लागि ल्याइएका ५ जनाको मृत्यु भएको प्रहरीले जनाएकाे छ ।
