हिरासतमा रवि सुतिरहेको फोटो मैले खोचेको हो, गल्ती भयो : डा. भुसाल

काठमाण्डू, डा. निकोलस भुसालले राष्ट्रिय स्वतन्त्र पार्टी (रास्वपा)का सभापति रवि लामिछाने ‘हिरासतमा रहेको फोटो’ आफूले खिचेको दावी गरेका छन् ।

कास्की प्रहरीको हिरासतमा रहेका लामिछाने ‘सुतिरहेको फोटो’ सामाजिक सञ्जालमा भाइरल भएपछि भुसालले उक्त तस्बिर आफूले खिचेको बताएका हुन् ।

“यो फोटो रियल हो, मैले नै खिचेको हो । गल्ती भएको हो, माफी चाहन्छु । मबाट कसैलाई दोष लगाउने या खराब नियत थिएन, भ्रममा नपर्न अनुरोध ।

म स्वस्थ्य अवस्था बुझन र हौसला प्रदान गर्न गएको थिएँ,” उनले फेसबुकमा भनेका छन् ।

उक्त तस्बिर खिच्ने व्यक्ति खोजिरहेको प्रहरीले बताएको छ।