देशका विभिन्न स्थानमा मेघगर्जन र चट्याङ्गसहित वर्षा हुने जल तथा मौसम विज्ञान विभाग अन्तर्गतको मौसम पूर्वानुमान महाशाखाले जनाएकाे छ । महाशाखाका अनुसार कोशी, मधेस, गण्डकी र बागमती प्रदेशको केही स्थानमा मेघगर्जन र चट्याङ्गसहित वर्षा हुने बताइएकाे हाे ।
आज दिउँसो लुम्बिनी, कर्णाली र सुदूरपश्चिम प्रदेशको हिमाली भूभागका थोरै ठाउँमा मध्यमसम्मको वर्षा र हिमपातकाे सम्भावना रहेको छ । त्यसैगरि कोशी प्रदेशको हिमाली र पहाडी भूभाग तथा गण्डकी प्रदेशको पहाडी भूभागको एक, दुई ठाउँमा मेघगर्जन चट्याङ्गसहित भारी वर्षाकाे सम्भावना रहेकाे पनि महाशाखाले जनाएकाे छ ।
भाेलि बुधबार पनि कोशी, मधेस, बागमती र गण्डकी प्रदेशको धेरै ठाउँहरुमा मेघगर्जन चट्याङ्गसहित वर्षा हुनेछ भने उच्च पहाडी तथा हिमाली भेगमा हिउँ पर्ने सम्भावना रहेकाे छ । कोशी र मधेश प्रदेशको एक, दुई स्थानका साथै बागमती र गण्डकी प्रदेशको पहाडी भूभागको केहि ठाउँमा भारी वर्षा हुने सम्भावना रहेकाे महाशाखाले जनाएकाे छ ।
