आज प्रधानमन्त्री वालेन्द्र शाहले जुत्ता उत्पादक संघका पदाधिकारी तथा प्रतिनिधिसँग छलफल गर्ने भएका छन् । प्रधानमन्त्री शाहदृ अहिले बिहान साढे ११ बजे प्रधानमन्त्री तथा मन्त्रिपरिषद्को कार्यालयमा संघका पदाधिकारी तथा प्रतिनिधिसँग छलफल गर्न लागेका हुन् ।
प्रधानमन्त्रीसँगकाे छलफलमा जुत्ता उत्पादक संघका अध्यक्ष सुरज बन्जाडे, निवर्तमान अध्यक्ष रुद्र न्यौपाने, सचिव निर्मल भट्टराई, सल्लाहकार कालिदास गौतम, कार्यसमिति सदस्य सरोज भट्टराई र प्रतिनिधि विदुषी राणाको सहभागिता रहने प्रधानमन्त्रीको सचिवालयले जनाएको छ ।
उक्त छलफलमा स्वदेशी जुत्ता–चप्पल उद्योगलाई प्रोत्साहन गर्ने उपाय, बजार व्यवस्थापन, उत्पादन क्षेत्रमा आत्मनिर्भरता बढाउने प्रयास तथा उद्योगले भोगिरहेका वर्तमान चुनौतीका विषयमा कुरा हुने कार्यतालिका रहेको छ ।
जुत्ता–चप्पल उद्योगको विकासका लागि आवश्यक नीतिगत सुधार, सरकारी सहयोग र आगामी रणनीतिका विषयमा पनि ठोस छलफल हुने सचिवालयले जनाइएको छ ।
