राट्रिय विपद् जोखिम न्यूनीकरण तथा व्यवस्थापन प्राधिकरणका अनुसार पछिल्लाे ३ महिनामा देशैभर विपद्का ३ हजार २ सय ९६ घटनामा १६० जनाकाे मृत्यु भएकाे बताएकाे छ । प्राधिकरणले वैशाख १ गतेदेखि असार ३२ गतेसम्मका विपद्का घटनामा परि १६० जनाकाे ज्यान गएकाे बताएकाे हाे ।
प्राधिकरणले उक्त अवधिमा विपद्का घटनामा २ जना बेपत्ता र ९ सय ४५ जना घाइते भएकाे पनि जनाएकाे छ । उक्त अवधिमा ४ हजार ३ सय ७५ परिवार प्रभावित भएका छन् । जसमध्ये सबै भन्दा बढी ८ सय ९७ आगलागीका घटना भएकाे बताइएकाे छ ।
प्राधिकरणका अनुसार आगलागीका उक्त घटनामा १७ जनाको मृत्यु, १ सय ९ जना घाइते र ९ सय ९० परिवार प्रभावित भएकाे जनाएको हाे । उक्त अवधिमा सर्पदंशका ५ सय १४ घटना भएका त्यसबाट ३८ जनाको मृत्यु, ४ सय ७९ जना घाइते र ५ सय १७ परिवार प्रभावित भएका छन् ।
त्यसैगरी, हुरीका ४ सय ७७ घटनामा १३ जनाको मृत्यु, ६८ जना घाइते र एक हजार ३ सय ५६ परिवार प्रभावित भएका जनाइएको छ । पहिरोका ४ सय ३३ घटनामा १२ जनाको मृत्यु, १५ जना घाइते र ३ सय ५१ परिवार प्रभावित भएका हुन् ।
चट्याङका २ सय २३ घटनामा २४ जनाको मृत्यु, १ सय २० जना घाइते र २ सय ६२ परिवार प्रभावित भएका छन् । प्राधिकरणले सार्वजनिक गरेको विवरणमा वन्यजन्तुको आक्रमणका १ सय ८१ घटनामा १७ जनाको मृत्यु, १ सय ३ जना घाइते र २ सय ८७ परिवार प्रभावित भएका उल्लेख गरिएकाे हाे।
त्यसैगरी, बाढीका १ सय ६१ घटनामा ९ जनाको मृत्यु, दुई जना बेपत्ता, नौ जना घाइते र ३ सय ९६ परिवार प्रभावित भएका छन् । भारी वर्षाका १ सय ५३ घटनामा चार जनाको मृत्यु, एक जना घाइते र १ सय ३२ परिवार प्रभावित भएका हुन् ।
त्यसैगरी, लेक लागेका ५५ घटनामा २१ जनाको मृत्यु र ३५ जना अझै अस्वस्थ छन् । ढुङ्गा खसेर भएको एक घटनामा दुई जनाको ज्यान गएको हाे । प्राधिकरणले तीन महिनामा वन डढेलोका १ सय ९१ घटना भएका, त्यसमा एक जनाको मृत्यु र दुई जना घाइते हुनुका साथै हिउँपहिरोका दुई घटनामा एक जनाको मृत्यु र एक जना घाइते भएकाे जनाएको छ ।
