वर्षाका कारण नारायणगढ–मुग्लिन सडकखण्डमा पहिरो खस्दा सवारी आवागमन अवरुद्ध भएकाे छ । नारायणगढ–मुग्लिन सडकखण्डकाे तुइन खोला र पानीधारामा ढुङ्गासहितको पहिरो खस्दा सडक यातायात अवरुद्ध भएको हो ।
उक्त सडकखण्डमा बिहान पाैने ६ बजे पहिरो खसेपछि सडकमा एकतर्फी रुपमा मात्रै यातायात सञ्चालन भइरहेको इलाका प्रहरी कार्यालय मुग्लिगका प्रहरी निरीक्षक प्रतीक सिंहले जनाएका छन् । उनका अनुसार अहिले सडकको पहिरो हटाउन सडकको पहिरो हटाउन डोजर मगाइएको बताइएकाे छ ।
पहिरो खसेको स्थल मुग्लिनबाट ५ किलोमिटर नारायणगढतर्फ पर्दछ भने पानीधार सडकमा खसेका ढुङ्गा हटाइसकिएको प्रहरीले जनाएकाे छ ।
