निरन्तर वर्षाका कारण रोशी खोलामा पानीकाे बहाव बढेसँगै खोलाको बीचमा फसेका ८९ यात्रुकाे उद्धार गरिएकाे छ । खोलाको बीच भागमा फसेका ८९ जना यात्रुलाई सुरक्षाकर्मीले सकुशल उद्धार गरेका हुन् ।
हिजाे साँझदेखि निरन्तर परेको वर्षाका कारण रोशी खोलामा पानीको बहाव उच्च भएकाे थियाे भने ५ वटा माइक्रोबस बीच खोलामा अड्किएकाे थियाे । खाेलाकाे बीचमा फसेकाे माइक्राेमा सवार ८९ जना यात्रुहरूलाई नेपाली सेना तथा अन्य सुरक्षा निकायको संयुक्त टोलीले रातिनै उद्धार गरी सुरक्षित रूपमा गन्तव्यतर्फ पठाएको जिल्ला प्रहरी कार्यालय काभ्रेपलाञ्चोकले जनाएकाे छ ।
यात्रुहरुकाे सकुशल उद्धार गरेपछि प्रहरीले लापरवाहीपूर्वक सवारी सञ्चालन गरी यात्रुको ज्यान र सम्पत्तिमा जोखिम सिर्जना गरेको आरोपमा पाँचवटै माइक्रोबसका चालकलाई नियन्त्रणमा लिएको छ । उनीहरूलाई जिल्ला प्रहरी कार्यालय काभ्रेपलाञ्चोकको हिरासतमा राखी थप अनुसन्धान भइरहेको प्रहरीले जनाएको छ ।
