नेपालले विश्वकप लिग २ क्रिकेट अन्तर्गत जारी अन्तिम खेलमा टस जितेर ओमान विरुद्ध पहिले ब्याटिङ गर्दैछ । ओमान विरुद्धको टस जितेर नेपालले पहिले ब्याटिङ गर्ने निर्णय गरेको हाे ।
टस जितेर पहिले ब्याटिङ गर्ने निर्णय गरेकाे आजकाे खेलमा आसिफ शेख र करण केसीलाइ टिममा राख्दा सोमपाल कामी र भीम सार्कीलाइ बेन्चमा राखिएको छ । पहिलो खेलमा ओमानसँग पराजित भएको नेपाल दोस्रो खेल जित्ने ध्याउनमा मैदान उत्रिएकाे छ ।
यो सिरिज लगतै नेपालले आगामी सातादेखि लिग २ का शीर्ष २ टोली अमेरिका र स्कटल्यान्डसँग खेल्ने छ । लिग २ अंकतालिकामा हाल ओमान २७ खेलमा ३१ अंक जोडेर तेस्रो स्थानमा यथावत् छ भने नेपालले २३ खेलमा १६ अंक जोडेर सातौं स्थानमा रहेकाे छ भने अर्को टोली यूएईको २४ खेलमा १४ अंक रहेकाे छ ।
यसअघि नेपालले यूएईसँगको दुवै खेल जितेको छ भने ओमानसँग एक खेलमा पराजित भएकाे छ । नेपाल र ओमानबीच अहिलेसम्म ओडीआई फर्म्याटमा ९ खेल भएका छन् । जसमा नेपालले तीन खेल जितेकाे छ भने पाँच खेलमा हार बेहाेरेकाे छ । नेपाल र ओमानबीचकाे एक खेल रद्द भएको थियो ।
