पूर्वराष्ट्रपति विद्यादेवी भण्डारीलाई पार्टी सदस्यता दिइएको छ । नेकपा एमालेकाे पूर्व उपाध्यक्ष समेत रहेकी भण्डारीलाई सदस्यता दिइएको हाे ।
पार्टी अध्यक्ष केपी शर्मा ओलीको निजी निवास भक्तपुरकाे गुण्डुमा बसेको सचिवालय बैठकले २०८२ साउन ६ गतेको केन्द्रीय समितिको निर्णय उल्ट्याउँदै भण्डारीलाई सदस्यता दिने निर्णय गरेको हो ।
बैठकले भण्डारीलाई सदस्यता दिने निर्णय गरेको उपमहासचिव लेखराज भट्टले जानकारी दिएका छन् । २०७२ कात्तिक ११ मा राष्ट्रपति बनेकी उनले २०७९ फागुन २८ गते कार्यकाल सकिएपछि एमालेको सदस्यता नवीकरण गर्दै सक्रिय राजनीतिमा फर्किएको घोषणा गरेकी थिइन् ।
उनले सक्रिय राजनीतिमा फर्किएको घोषणा गरेसँगै अध्यक्ष ओलीले २०८२ साउन ६ गते भण्डारीको पार्टी सदस्यता रोक्ने निर्णय गरेका थिए । सदस्यता राेक्का भएपछि उनले २०८२ मंसिर २७ देखि पुस ३ सम्म भएको ११औँ महाधिवेशनमा भाग लिन पाइनन् ।
एमालेले ३३औँ मदन-आश्रित स्मृति दिवसका अवसरमा आइतबार मदननगर बल्खुमा आयोजना गरेको सभामा प्रमुख अतिथि बनाएलगत्तै सोमबार उनलाई पार्टीको सदस्य बनाउने निर्णय गरिएको हो ।
