चितवनमा भइरहेकाे राष्ट्रिय स्वतन्त्र पार्टी (रास्वपा) को प्रथम महाधिवेशनमा मतदान जारी रहेकाे छ । गएराति १२ बजेदेखि सुरु भएकाे मतदान अहिले पनि जारी रहेकाे हाे ।
नयाँ नेतृत्व चयनका लागि मतदान भइरहेकाे हाे । महाधिवेशनअन्तर्गत ९९ पदका लागि मतदान सुरू भएको र अहिले पनि मतदान गर्ने क्रम निरन्तर चलिरहेकाे रास्वपाका केन्द्रीय निर्वाचन आयोगका प्रमुख भुवन केसीले जनाएका छन् ।
अहिले विद्युतीय माध्यमबाट मतदान भइरहेकाे छ भने यसअघि निर्वाचनको समय-तालिका पटकपटक सारिएको भएपनि अहिले मतदान भइरकेकाले आज बिहान १० बजेसम्म मतदान सम्पन्न हुने बताइएकाे छ ।
पार्टीकाे सभापति पदका लागि भने प्रधानमन्त्री समेत रहेका वरिष्ठ नेता बालेन्द्र शाहकाे समर्थनमा रवि लामिछाने यसअघि नै निर्विरोध निर्वाचित भइसकेका छन् । निर्वाचनमार्फत पार्टीको केन्द्रीय समिति तथा विभिन्न पदाधिकारी चयन गरिनेछ भने निर्वाचनमा ३८४ जनाले उम्मेदवारी दर्ता गराएका छन् ।
मतदान सम्पन्न भएकाे केही समयपछि मतगणना गरी परिणाम सार्वजनिक गरिने निर्वाचन आयोगले जनाएको छ ।
