वीरगञ्ज महानगरपालिकाले गर्मि बढेसँगै महानगर क्षेत्रका विद्यालयमा गर्मी बिदा दिने घोषणा गरेको छ । अत्यधिक गर्मी बढेसँगै महानगर क्षेत्रभित्रका सम्पूर्ण सामुदायिक तथा संस्थागत विद्यालयमा गर्मी बिदा दिने घोषणा गरेको हाे ।
महानगरपालिकाको शैक्षिक प्रशासन महाशाखाले एक सूचना जारी गर्दै असार ११ गतेदेखि १५ गतेसम्म बिदा दिने निर्णय गरेकाे छ । आजदेखि लागू हुने बिदा महानगरले वार्षिक बिदाबाट कट्टा हुने गरि उक्त बिदा दिइएको बताएकाे छ ।
चर्को गर्मीका कारण विद्यार्थीहरूको स्वास्थ्यमा प्रतिकूल असर पर्न सक्ने अवस्थालाई मध्येनजर गर्दै केही दिनका लागि पठनपाठन स्थगित गर्ने निर्णय गरेकाे हाे । विद्यालयहरू आगामी असार १५ गतेदेखि नियमित रूपमा सञ्चालन हुनेछ ।
केही दिनयता तराई–मधेशका जिल्लाहरूमा तापक्रम निरन्तर बढ्दै गएकाे छ भने जनजीवन प्रभावित बनेको छ ।
