आज नेपाल प्रिमियर लिग (एनपीएल)को तेस्रो सिजनअन्तर्गत दुई खेल हुँदैछ । पहिलाे खेल कर्णाली याक्स र पोखरा एभेन्जर्स तथा दोस्रो खेलमा चितवन राइनोज र काठमाण्डू गोर्खाजबीच प्रतिस्पर्धा हुनेछ ।
पहिलाे खेलमा कर्णाली याक्स र पोखरा एभेन्जर्स दुवै टोली जित निकाल्दै प्लेअफ सम्भावना कायम राख्ने लक्ष्यमा हुनेछन् । हाल चार अंकका साथ तालिकाको छैटौँ स्थानमा रहेको कर्णालीले चार खेल खेल्दा समान दुई जित र दुई हार व्यहोरेको छ ।
यता पोखरा भने आजकाे खेलमा पहिलो जित निकाल्दै खाता खोल्ने लक्ष्यमा हुनेछ । चार खेल खेल्दा टोलीले सबै खेलमा पराजय भोगेको छ भने यी दुईबीचको पहिलो खेल कीर्तिपुरस्थित त्रिवि क्रिकेट रंगशालामा अपराह्न साढे १२ बजे हुनेछ ।
आजै हुने दोस्रो खेलमा चितवन राइनोज र काठमाण्डू गोर्खाज खेल्दै छन् । हाल चार अंकका साथ तालिकाको दोस्रो स्थानमा रहेको काठमाण्डूले चार खेल खेल्दा तीन जित र एक हार व्यहोरेको छ ।
त्यसैगरि पाँच अंकका साथ तालिकाको चौथो स्थानमा रहेको चितवनले चार खेल खेल्दा दुई जित र एक हार व्यहोरेको छ । टोलीको एक खेल भने रद्द भएको थियो । उक्त दाेश्राे खेल साँझ ५ बजे त्रिवि क्रिकेट रंगशालामा हुनेछ ।
