बजरमा अण्डाको माग बढेपछि व्यवसायीले समर्थन मूल्य बढाएका छन् । नेपाल लेयर्स कुखुरापालक संघले आजदेखि लागू हुने गरी अण्डाको समर्थन मूल्य बढाएको हो ।
संघका अनुसार एक्सएल अण्डा प्रतिक्रेट ५६०, ठूलो अण्डा ५४५, मिडियम ५०० र सानो ३ हजार प्रतिपेटी समर्थन मूल्य कायम गरिएको बताइएकाे छ । संघका अध्यक्ष विनोद पोखरेलका अनुसार बर्डफ्लुको सङ्क्रमण हटेको र धेरै कुखुरा मरेसँगै उत्पादन घटेकाले बजारको माग धेरै बढेको हाे ।
माग बढेसँगै अण्डाको मूल्य पनि बढेको हो । फार्महरुले दिएको रेटका आधारमा समर्थन मूल्य जारी गरिएको र मूल्य बढ्दै गर्दा पनि किसानले लागत मूल्य पाउन नसकेको अध्यक्ष पोखरेलले जनाएका छन् । अण्डाको लागत मूल्य प्रतिगोटा १९ रुपैयाँ १२ पैसा पर्न आउँछ ।
