नेपाली बजारमा केही दिनदेखि सुनको मूल्य लगातार उकालो लाग्न थालेको छ । गत बिहीबारदेखि उकालो लागेको सुनको मूल्य आज सोमबार प्रतितोला ३ हजार २ सय रुपैयाँले बढेको नेपाल सुनचाँदी व्यवसायी महासंघले जनाएको छ ।
जसअनुसार आज छापावाल सुनको मूल्य प्रतितोला ३ लाख २२ हजार ७ सय रुपैयाँ कायम भएको महासंघले जनाएको छ । हिजाे आइतबार २ हजार ८ सय रुपैयाँले वृद्धि भएर सुनको मूल्य ३ लाख १९ हजार ५ सय रुपैयाँमा काराेबार भएकाे थियो ।
गत शुक्रबार ३ हजार ३०० रुपैयाँले बढेर ३ लाख १६ हजार ७ सय रुपैयाँ पुगेको सुनको मूल्य बिहीबार ९ हजार ३०० रुपैयाँले बढेर ३ लाख १३ हजार ४०० रुपैयाँमा काराेबार भएकाे थियो ।
आज चाँदीको मूल्य १० रुपैयाँले घटेर प्रतितोला ४ हजार ९६० मा काराेबार भइरहेकाे महासंघले जनाएको छ । आइतबार चाँदीको मूल्य तोलामा १० रुपैयाँले घटेर ४ हजार ९७५ रुपैयाँमा काराेबार भएकाे थियो ।
