पछिल्लाे समय बजारमा खाना पकाउने ग्यासकाे अभाव देखिएपछि त्यसकाे समधानकाे लागि आवश्यक व्यवस्थापन मिलाउन नेपाल आयल निगमका पदाधिकारी र ग्यास उद्योगीलाई निर्देशन दिइएकाे छ ।
नेपाल सरकारकाे उद्योग, वाणिज्य तथा आपूर्तिमन्त्री गौरीकुमारी यादवले उपभोक्तालाई सहज रूपमा ग्यास उपलब्ध गराउन निर्देशन दिएकी हुन् । मन्त्री यादवले काठमाडौँ उपत्यकामा एउटा कम्पनीको ग्यास उपलब्ध नभएमा अर्को कम्पनीको ग्यास सिलिण्डरसँग उही मूल्यमा साट्न सकिने व्यवस्था गर्नसमेत निर्देशन दिएकी छन् ।
मन्त्री यादवले उपभोक्तालाई अनावश्यक दुःख दिने, कृत्रिम अभाव सृजना गर्ने वा तोकिएको व्यवस्थाविपरीत कार्य गरेको पाइएमा प्रचलित कानुनबमोजिम कारबाही गर्ने चेतावनी समेत दिएकी छन् । लामाे समयदेखि ग्यास लिने ग्राहकाे लाइन लागे पनि अझै पनि बजारमा सहज रुपमा पाउन सकिएकाे छैन् ।
