नवनियुक्त उद्योग, वाणिज्य तथा आपूर्तिमन्त्री दीपककुमार साहले पदभार ग्रहण गरेका छन् । आज २०८३ भदौ २५ गते बिहीबार राष्ट्रपति भवन शीतल निवासमा शपथ ग्रहण गरेपछि मन्त्रालय पुगेर पदभार ग्रहण गरेका हुन् ।
मन्त्रालयमा उनलाई सचिव नारायणप्रसाद शर्मा दुवाडी लगायतका कर्मचारीहरूले स्वागत गरेका थिए । पदभार ग्रहणपछि सञ्चारकर्मीहरूसँग संक्षिप्त कुराकानी गर्दै मन्त्री साहले राजीनामा दिएर बाहिरिएकी निवर्तमान मन्त्री गौरीकुमारी यादवसँग परामर्श गरी विगतका काम र प्रगतिको जानकारी लिएर अगाडि बढ्ने बताएका छन् ।
पछिल्लाे समय आम नागरिकलाई ग्यास आपूर्तिको विषयमा सोधिएको प्रश्नमा मन्त्री साहले मन्त्रालयभित्र छलफल गरेर ठोस निर्णय लिने प्रतिबद्धता व्यक्त गरेका छन् ।
आजै मन्त्री गौरीकुमारी यादवले पदबाट राजिनामा दिएपछि दीपककुमार साहलाई उद्योग, वाणिज्य तथा आपूर्तिमन्त्रीमा नियुक्त गरिएकाे हाे ।
