हिन्दू धर्मावलम्बीहरूले आफ्ना दिवंगत पितृको सम्झनामा तर्पण तथा श्राद्ध गर्ने परम्परा अनुसार आजदेखि सोह्र श्राद्ध सुरु भएकाे छ । यसरि आश्विन कृष्ण प्रतिपदा अर्थात चन्द्रमास पात्रोअनुसार आश्विन कृष्ण पक्षलाई पितृपक्ष अर्थात् सोह्र श्राद्ध भनिन्छ ।
आश्विन कृष्ण प्रतिपदादेखि १६ दिनसम्म चल्ने सोह्र श्राद्धमा आमाबुवा तथा पितृजनको निधन भएका व्यक्तिहरूले पितृपक्षभरि नियममा रही पितृको मृत्युतिथिका दिन श्राद्ध गर्ने परम्परा रहेकाे छ । आफ्नो पितृको तिथिमा श्राद्ध गर्न नसकेमा अन्तिम दिन अर्थात् औँसीमा श्राद्ध गर्ने गरिन्छ ।
चन्द्रमासको एक पक्षमा १५ वटा तिथि हुने भए पनि भाद्र शुक्ल पूर्णिमादेखि आश्विन औँसीसम्म पर्ने १६ वटा तिथिमा श्राद्ध गरिने भएकाले यसलाई सोह्र श्राद्ध भनिएको हो । हिन्दू वैदिक तथा पौराणिक मान्यताअनुसार आश्विन कृष्ण पक्ष पितृहरूलाई तृप्त तुल्याउने समय भएकाले यसलाई पितृपक्ष समेत भन्ने गरिन्छ ।
सोह्र श्राद्धमा पितृको सम्झनामा दैनिक जल तर्पण गर्दै मृत्युतिथिका दिन श्राद्ध गरिन्छ । यसरी विधिपूर्वक श्राद्ध तथा तर्पण गरेमा पितृहरूको आत्माले शान्ति पाउने धार्मिक विश्वास समते रहेकाे छ ।
