पूर्व प्रधानन्यायाधीश चोलेन्द्र शमशेर राणा पक्राउ परेका छन् । पूर्व प्रधानन्यायाधीश राणालाई गए राति काठमाडौँको महाराजगञ्जस्थित निवासबाट पक्राउ गरेको हो ।
काठमाडौँ उपत्यका अपराध अनुसन्धान कार्यालयको टोलीले राणालाई निवासबाट पक्राउ गरेको प्रहरीले पक्राउ गरेको पुष्टि गरेको छ । तर,राणालाई पक्राउ गर्नुको कारण तथा उनीविरुद्ध लगाइएको आरोपबारे भने प्रहरीले विस्तृत जानकारी सार्वजनिक गरेको छैन ।
पूर्व प्रधानन्यायाधीश राणालाई पक्राउपछि टेकूस्थित उपत्यका अपराध अनुसन्धान कार्यालयमा राखिए बताइएकाे छ । राणा २०७५ सालमा नेपालको प्रधानन्यायाधीश नियुक्त भएर २०७९ सालसम्म उक्त पदमा रहेका थिए ।
२०७८ फागुन १ गते उनीविरूद्ध संसदमा महाअभियोग प्रस्ताव दर्ता गरिएकाे थियाे भने त्यसपछि निलम्बनमा परेका उनको उक्त प्रस्ताव २०७९ मंसिरमा निष्क्रिय भएको पत्र संसदका महासचिवले सर्वोच्चलाई लेखेका थिए ।
