देशकाे विभिन्न स्थानमा पछिल्लाे केहि दिन यता परेकाे लगातारको वर्षाका कारण तालिका अनुसार तल्ला तहका अधिवेसन समयमा नसकिएपछि नेपाली कांग्रेसले १५ औं महाधिवेसनको मिति सर्ने भएको छ ।
निर्धारित समय तालिका अनुसार यहि असोज १६ देखि १९ गते सम्म काठमाडौंमा हुने तय भएको १५औँ महाधिवेशन सर्ने भएको हो । जसअनुसार पार्टीले क्षेत्रिय अधिवेसन सम्पन्न गर्न दिइएको समय आज सकिँदैछ । असोज ८ गतेदेखि ११ गतेसम्म परेको अविरल वर्षाका कारण १० गतेलाई तोकिएका क्षेत्रिय अधिवेसनहरु प्रभावित बनेपछि आजसम्म सक्ने गरी समय थप गरिएको थियाे ।
बाढी पहिरोका कारण विभिन्न स्थानमा सडक र पुलहरू भत्केको तथा काठमाडौँ आउनका लागि पनि समस्या रहेकाले केन्द्रिय महाधिवेसन केही दिन पर सार्ने तयारी गरिएको छ । यसअघि निर्धारित महाधिवेसन सार्ने बारे आज बैठक बसेर निर्णय गर्ने तयारी रहेको नेताहरुले बताएका छन् ।
