आज प्रमुख प्रतिपक्षी दल नेपाली कांग्रेसकाे पदाधिकारीहरूको अनौपचारिक बैठक बस्ने भएको छ । कांग्रेस स्रोतका अनुसार पार्टी केन्द्रीय कार्यालय सानेपामा दिउँसो ३ बजे बैठक बस्न लागेको हो ।
यता सरकारले हिजाे बुधबार दानबहादुर कार्कीलाई प्रहरी महानिरीक्षक (आईजीपी) पदबाट हटाएर डा.मनोज कार्कीलाई नियुक्त गरेको थियो । प्रहरी नेतृत्व परिवर्तनसँगै कांग्रेस सभापति गगनकुमार थापासहितका नेताहरूलाई पक्राउ गर्ने तयारी भइरहेको चर्चा चलिरहेका बेला कांग्रेस पदाधिकारीहरूको बैठक बस्न लागेको हो ।
हालै सार्वजनिक इनम सापकोटाको अडियो पनि चर्चामा रहेकाे र उक्त अडियोमा सभापति गगनकुमार थापाले पार्टीलाई वैधानिकता दिलाउन १८ करोड रुपैयाँ खर्च गरेको प्रसंग उल्लेख गरिएकाे छ । तर, कांग्रेसले भने उक्त आरोपलाई सरकारको षड्यन्त्र भन्दै आएको छ ।
