यु-१९ एसिया कप क्रिकेटमा नेपालले आज युएईसँग प्रतिस्पर्धा गर्दैछ । ओमानको अल अमेरातमा बिहान पौने ११ बजे सुरु हुने खेलमा समूह ए मा रहेका नेपाल र युएई पहिलो जितको खोजीमा मैदान उत्रिन लागेका हुन् ।
यसअघि नेपाल र युएई दुवै टोलीले आफ्नो पहिलो खेलमा पराजय भोगेका थिए । नेपाल पहिलो खेलमा भारतसँग १० विकेटले पराजित भएको थियो भने युएई पाकिस्तानसँग ९ विकेटले पराजित भएको थियो ।
नेपालका लागि युएई सहज प्रतिद्वन्द्वी हो । नेपाल र युएईको अन्डर नाइन्टिन टोलीबीच भएका पछिल्ला ५ खेलमा नेपालले ४ खेल जितेको छ भने एउटा खेल डिएल मेथडका आधारमा युएईले जितेको थियाे ।
नेपालले सेमिफाइनको सम्भावना जिवित राख्न आजको खेल जित्नै पर्ने दबाब रहेकाे छ भने नेपालले मंगलबार पाकिस्तानसँग प्रतिस्पर्धा गर्नेछ । आजै अर्काे खेल समूह ए का भारत र पाकिस्तानबीच हुनेछ ।
