काठमाण्डू, राष्ट्रिय स्वतन्त्र पार्टी (रास्वपा) केन्द्रीय समितिको बैठक बस्दैछ । बैठक केन्द्रीय कार्यालय, वनस्थलिमा दिउँसो १ बजे बस्नेछ ।
कार्यवाहक महामन्त्री कबिन्द्र बुर्लाकोटीका अनुसार बैठकमा ९ वटा एजेन्डाहरू छन् ।
एजेन्डाहरूमा समसामयिक राजनीति, आर्थिक र सामाजिक गतिविधिबारे छलफल, राष्ट्रिय भेलामा सहभागिताका लागि आएका प्रतिनिधिको नाम र रिपोर्ट र व्यवस्थापनलगायतका छन् ।
यस्तै राष्ट्रिय भेलामा प्रस्तुत हुने प्रतिवेदनहरू प्रस्ताव र आवश्यक छलफल गरिने, जिल्ला भेला र जिल्ला समिति गठनबारे छलफल गरिने, विधान संशोधन सुझाव कार्यदलको सुझाव प्रतिवेदन प्रस्तुत गर्ने र आवश्यक छलफल गर्ने, प्रस्तावित नियमावली र कार्यविधिहरू सम्बन्धमा र अन्य विविध विषयमा छलफल गर्ने कार्यसूची रहेको कार्यवाहक महामन्त्री बुर्लाकोटीले बताए ।
रास्वपाले असोज १ र २ गते राष्ट्रिय भेलाको आयोजना गरेको छ ।
