राष्ट्रिय परीक्षा बोर्डले भरखरै सार्वजनिक गरेकाे माध्यमिक शिक्षा परीक्षा (एसईई) को नतिजा अनुसार ६५.९८ विद्यार्थी उत्तीर्ण भएका छन् । परीक्षा नियन्त्रण कार्यालय सानोठिमीमा पत्रकार सम्मेलन आयोजना गरेर बोर्डले नतिजा सार्वजनिक गरेको हो ।
सार्वजनिक नतिजा केहीबेर पछि मात्रै वेबसाइटमा देख्न सकिने बोर्डले जनाइएको छ । गत चैत १९ देखि २९ गतेसम्म एसईई परीक्षा सञ्चालन भएको थियो । यसपटक परीक्षा केन्द्रमा नै उत्तरपुस्तिका परीक्षण गरिएकाले छिटो नतिजा सार्वजनिक गरिएकाे हाे ।
यसवर्ष एसईई परीक्षामा ५ लाख १२ हजार ४ सय २१ जना विद्यार्थीले सहभागि भएका थिए । जसमा नियमिततर्फ ४ लाख ४१ हजार ५ सय ६६ जना र ग्रेड वृद्धितर्फ ७० हजार ८ सय ५५ जना सहभागि भएका थिए । जसमा दुई लाख ५७ हजार ६ सय १३ छात्रा, दुई लाख ५४ हजार ८ सय १ छात्र र अन्य ७ जना रहेका छन् ।
