पूरक परीक्षाको असार १ गतेदेखि ७ गतेसम्म

माध्यमिक शिक्षा परीक्षा (एसइई)को नतिजामा ननग्रेड (एनजी) भएका विधार्थीहरुका लागि एसइई पूरक परीक्षा असार १ गतेदेखि ७ गतेसम्म हुने भएकाे छ । यो वर्ष २ वा सोभन्दा बढी विषयमा ननग्रेड (एनजी) अर्थात् ११ कक्षा पढ्न असफल भएका विद्यार्थीका लागि पूरक परीक्षामा सहभागी हुने व्यवस्था गरेको हाे ।

राष्ट्रिय परीक्षा बोर्डअन्तर्गतको परीक्षा नियन्त्रण कार्यालय (कक्षा १०)ले २०८२ सालको माध्यमिक शिक्षा परीक्षा (एसइई)को पूरक परीक्षा तालिका सार्वजनिक गर्दै परीक्षा बिहानको ८ बजेदेखि ११ बजेसम्म सञ्चालन हुने बताएकाे छ ।

पूरक परीक्षाका लागि यो वर्षदेखि बोर्डले अनलाइनबाटै आवेदन दिन सकिने व्यवस्था गरेको छ । जसका लागि बोर्डको वेबसाइट www.see.gov.np बाट फाराम लिन सकिने र ग्रेडबृद्धि पूरक परीक्षाका लागि विद्यार्थीले ५ सय रुपैयाँ बुझाउनु पर्ने बोर्डले जनाएको छ ।

यसवर्ष परीक्षामा सहभागी ४ लाख ६४ हजार ७ सय ८५ जना विद्यार्थीमध्ये २ लाख ४२ हजार ३ सय १३ जना विद्यार्थीले कक्षा ११ मा पढ्न नपाउने भएका थिए ।