असार १ गतेबाट कक्षा ११ को पठनपाठन सुरु हुने

यसवर्ष कक्षा ११ को पठनपाठन आगामी असार १ गतेबाट सुरु हुने भएकाे छ । शिक्षा तथा खेलकुद मन्त्रालयले कक्षा ११ को पठनपाठन असार १ गतेबाट गर्न-गराउन निर्देशन दिएको हाे ।

शैक्षिक सत्र २०८२ को माध्यमिक शिक्षा परीक्षा (एसइई) को नतिजा प्रकाशन भइसकेकाले मन्त्रालयले कक्षा ११ को पठनपाठन सञ्चालनका लागि समय निर्धारण गरेको हो । मन्त्रालयको उक्त निर्णयबारे शिक्षा, तथा मानव स्रोत विकास केन्द्रले शिक्षा विकास तथा समन्वय एकाइहरूलाई पत्राचार गरी जानकारी गराएको छ ।