सहिद शुक्र माध्यमिक विद्यालयका विद्यार्थीहरुलाई किताब बोक्ने झोला र स्टेसनरि सामान वितरण गरिएकाे छ । काठमाडौँ महानगरपालिकाको-२८,स्थित सहिद शुक्र माध्यमिक विद्यालयमा अध्ययन गर्ने विद्यार्थीहरुलाई वडाले किताब बोक्ने झोलासहित स्टेसनरी सामानहरू कापी, कलम वितरण गरिएकाे हाे ।
वडाले बालबालिकाहरुलाई नियमित विद्यालय आउन प्रोत्साहित गर्ने उद्देश्यले उक्त सामान वितरण गरिएको हो । वडाअध्यक्ष भाइराम खड्गीले बालबालिकाका लागि सानातिना सहयोगले पनि अध्ययनलाई निरन्तरता दिन प्रोत्साहन हुने भएकाले उक्त सामान वितरण गरिएकाे बताए ।
वडाअध्यक्ष खड्गीले शैक्षिक विकासका लागि विद्यालयको पूर्वाधार, खेलकुद र अतिरिक्त शैक्षिक क्रियाकलापका लागि सहयोग प्रदान गरिरहेकाे समेत उल्लेख गरकाे थिए । त्यसैगरि वडासचिव कृष्णप्रसाद सोतीले, सामुदायिक शिक्षाको गुणस्तर बढाउन वडाले लगानी बढाएको बताए ।
