वर्षा र सहकालका देवता रातो मत्स्येन्द्रनाथको रथयात्राको भोटो देखाउँदै सम्पन्न भएकाे छ । हिजाे ललितपुरको जावलाखेलमा परम्परागत सांस्कृतिक विधिअनुसार आयोजित एक विशेष समारोहका बीच सर्वसाधारणलाई भोटो प्रदर्शन गरिएसँगै रथयात्रा सम्पन्न भएकाे हाे ।
राष्ट्रपति रामचन्द्र पौडेलको भोटो देखाउने कार्यक्रममा उपस्थिति रहेको थियो । समारोहमा उपराष्ट्रपति रामसहायप्रसाद यादव, प्रधानमन्त्री बालेन्द्र शाह, प्रधानन्यायाधीश डा. मनोजकुमार शर्मा र राष्ट्रिय सभाका अध्यक्ष नारायणप्रसाद दाहालको सहभागिता रहेको थियो ।
उक्त कार्यक्रममा मन्त्रीगणका साथै नेपाल सरकारका उच्चपदस्थ अधिकारीहरूको समेत उपस्थिति रहेको थियो । हरेक वर्ष रातो मत्स्येन्द्रनाथको रथ जावलाखेल पुगेको चौथो दिन राष्ट्राध्यक्षको उपस्थितिमा भोटो देखाउने परम्परा रहेको छ ।
भोटो जात्रा लिच्छवीकालदेखि मनाउने गरिएको जनविश्वास रहेकाे छ भने कपडाको थैलीमा शिलबन्दी गरेर राखिएको मणि जडित भोटो अवलोकन गर्न जावलाखेलमा सर्वसाधारणको बाक्लो भिड लाग्ने गर्दछ ।
