आज नेपाली बजारमा साताकाे पहिलाे दिन सुनचाँदीको मूल्य घटेको छ । गएको शुक्रबारकाे तुलनामा सुन प्रतितोला १ हजार ८ सय र चाँदी ४५ रुपैयाँले घटेको हो ।
आज छापावाल सुन प्रतितोला २ लाख ८३ हजार २ सय र त्यति नै परिमाणको चाँदीको मूल्य ४ हजार ३१५ रुपैयाँ कायम भएको नेपाल सुनचाँदी व्यवसायी महासंघले जनाएकाे छ ।
साताकाे अन्तिम काराेबार गत शुक्रबार छापावाल सुन प्रतितोला २ लाख ८५ हजार र चाँदी ४ हजार ३६० कायम भएको थियो । बिहीबार एक तोला सुन दुई लाख ८४ हजार र चाँदी ४ हजार ३१० मा कारोबार भएको थियो ।
अन्तर्राष्ट्रिय सञ्चारमाध्यमहरूले बताए अनुसार अन्तर्राष्ट्रिय बजारमा एक औँस सुन ४ हजार ६३ र चाँदी ५८ अमेरिकी डलरमा किनबेच भइरहेको बताइएकाे छ ।
