चीनको दक्षिण-पश्चिम सिजाङ (तिब्बत) स्वायत्त क्षेत्रस्थित केरुङमा गएको विनाशकारी पहिरोमा परी ज्यान गुमाएका तथा बेपत्ता भएकाहरूको स्मृतिमा आज बिहान विशेष शोक सभा आयोजना गरिएको छ ।
चिनियाँ समाचार एजेन्सी सिन्ह्वाका अनुसार, स्थानीय अधिकारीहरू र सर्वसाधारणको उपस्थितिमा आयोजित उक्त स्मृति सभामा विपद्मा ज्यान गुमाउनेहरूप्रति भावपूर्ण श्रद्धाञ्जली अर्पण गरिएको बताइएकाे छ ।
नेपाल-चीन जाेड्ने केरुङ नाका तथा आसपासको प्रभावित क्षेत्रमा हाल बेपत्ता नागरिकहरूको खोजी, उद्धार तथा राहत वितरणको कार्य निरन्तर भइरहेकाे छ । एकातिर खोजी र राहतको काम चलिरहँदा, अर्कोतिर विपद्मा परेकाहरूको सम्झनामा स्थानीय स्तरमा शोक सभा गरिएको हो ।
यहि भदौ १० गते भिषण बाढीसहित गएको लेदोसहितको पहिरोका कारण त्यस क्षेत्रमा ठूलो मानवीय तथा भौतिक क्षति भएको थियो ।
