आज बिहान रुकुममा जिप दुर्घटना हुँदा ८ जना घाइते भएका छन् । रुकुमपूर्वको सिस्ने गाउँपालिका-८, स्यालापाखा सडक खण्डमा जिप दुर्घटना भएकाे हाे ।
रुकुमपूर्वको लाम्फाकोटबाट रुकुमपश्चिमको खलंगातर्फ जाँदै गरेको भे १ ज ६०४५ नम्बरको जिप बिहान दुर्घटनामा परेको रुकुमपूर्वका डीएसपी खुमानन्द पाण्डेले जनाएका छन् । उक्त दुर्घटनामा परी ८ जना घाइते भएका हुन् ।
घाइतेहरूलाई उद्धार गरी जिल्ला अस्पताल ल्याउने तयारी भइरहेको छ भने घाइते मध्ये २ जनाको अवस्था गम्भीर रहेको बताइएकाे छ । जिप सडकबाट चिप्लिएर करिब ५० मिटर तल खसेर दुरघटना भएको पनि डीएसपी पाण्डेले जानकारी दिएका छन् ।
अहिले दुर्घटनाबारे थप अनुसन्धान भइरहेको प्रहरीले जनाएकाे छ ।
