भदाै १० गतेकाे बाढीले पुल बगाएसँगै यातयात अवरुद्ध भएकाे नुवाकोटको देवीघाट क्षेत्रमा यातायात सहज बनाउन नेपाली सेनाले निर्माण सुरु गरेको ‘एक्रो ब्रिज’ (अस्थायी पुल) जडान सम्पन्न गरेको छ ।
रसुवाको भोटेकोशीमा आएको विनाशकारी बाढीले त्यस क्षेत्रकाे पक्की पुल बगाएपछि नुवाकोट र आसपासका क्षेत्रको यातायात सम्पर्क पूर्ण रूपमा विच्छेद भएको थियो । नेपाली सेनाको टोलीले निरन्तर खटिएर छोटो समयमै पुल जडानको कार्य पूरा गरेको छ ।
नयाँ पुल निर्माण भएसँगै आजदेखि पैदल यात्रीका लागि आवतजावत खुला गरिने छ भने भाेलिदेखि सवारी साधनहरूसमेत सञ्चालनमा आउने बताइएकाे छ । सेनाले तदारुकताका साथ पुल तयार गरेपछि स्थानीयवासी, व्यापारी तथा यात्रुहरूलाई ठूलो राहत मिल्ने छ ।
